1.PADRIPONN SACRIFIS – Alfred Rose
Aikat bhava-bhoinanim pollelam anvem dolleanim Andheri kherit ghodni ghodleli,
Ixtt to mojea ghuttacho auchit attak zaun kalzacho tachea mogachi avoi sompleli,
Jivi astanam tinenm oi zata poi tea pormonem pellachi zaitich seva keleli,
Avoi mojea ixtachi toiyari tichea mornachi anven bhavani korchi podleli.
Padrik sangonk ami igorjent geleanv danvon,
Thuim zantto padri duent aslo, tache lagim zai naslem cholonk,
Anv duent asa puta maka kiteak ailai voronk,
Dekhun dusrea padrixim ami geleanv upkar magonk.
Padri to bhurgoch aslo amkam poun amurkoch anslo, interachi khobor taka sangli,
Mis mhunntlem tunvem mhunnonk zai uprant moddem tunvem purunk zai tanem tondar kali savli adli,
Sov dis poi anv vavr kortam aitaracho suseg getam, heach dissa ti kiteak moronk zai asli,
Aiz vhoddli party asa thoim maka apounnem assa hem sangon tannem thoimchi kush marli.
Dukhi zaleanv dukh utranim chitraunk zainam,
Tisrea padri sorxim geleanv matui vell lai nastanam,
Mis mhunnonk to padri ailo, pun ximiterin ailo nam,
Rozar korun ximiterin kudd ami purlea padri nastanam.
Padriponn ek sakrifis, nhoim fokot templan sangonk mis,
Hem modern padrini poilem chitunk zai,
Meleleak matiek lanvcho, ho kaido sangat konnacho,
Ho kaido tanim sarkoch pallunk zai,
Padr Agnel, Padr Juze Vaz teach porim ti Mother Thereza koxi vavurta tem pollonk zai,
Padriponn khor apounem, nhoi moujen khellonchem painem,
Hem padri zaunchea adim chitunk zai
Assat kitle modern padri je chovis voram vaurtat,
Jevnnacho passun vell tankam gomonam porjechi te seva korta,
Tosech assat thode modern padri jea oslim kortubam adartat,
Ani amchem Kristanvponn tufanak sampdaitat,
Padriponn eok sacrifis hem tumi visronakat.
2.PAICHE BHIRANTIK LAGON - Alfred=AR & Rita Rose=RR
AR: Gaddiye pondak jiv diunk sodtalem, itlem tum jivar ubgoulem,
Moje nodrek tum sampodlem, dekhun aiz vatoulem,
Stationar than sokol denvlem, montorlelea porim choltalem,
Itle torne idadir kiteak, mornnank axelem.
RR: Papa mozo jiv kaddtolo, hem aiz anv khatren zanam,
Ezamin anv fail zain zalear, mhunno gharant ghenvchonam,
Noxib futkim anv fail zalim kitem korchem sozmonam,
Kiteak mozo jiv vatailoi, antam maka sutka nam.
AR: Main pain tuka kitench mhunntlear, tumven tem sozmon voronk zai,
Avoi bapui boreak sangta, oxem niallunk zai,
Maim pai tuji ixttam mhunnon, tumven hem monan dovrunk zai,
Mog asa pun ti tukach xiddkaitat, oxem chintunk zai.
RR: Papa mozo vonkta uzo, tuka tachi vollok nam,
Soro pieta dis raat bhonkta, bhurgeank ulounkuch dinam,
Amchea lagim kednach tanem, mogan ulop korunk nam,
Bhavak ek dis muttomsor marlolo, ugddass tacho vochonk nam.
AR: Oxench amchea ghara kuxik ghoddlelem, eka pain putak sanglelem,
SSC ezam tum fail zaxi tor, ghor tuka bond zalem,
Tea putachem noxib futlelem, fail zatoch tachem sukh ublem,
Paiche bhirantin aangar petrol voton, jivit sompoilem.
Both: Antam to pai naak zoroita, put babddo gelo moron,
Avoi babddi khatik laglea, buzvonn ditolo nam konn,
Moje sovem aiz hem ghoddtem, salvar zalim tum pavonn,
Fulltim fullam pisdunk poddlim, paiche bhirantik lagon
Paiche bhirantik lagon, paiche bhirantik lagon.
3.PAIN DIL'LEM SORTA – Alfred Rose
Vhodilani zaiteo mhunneo dovorleat ghoddun,
Mhunntalet te anturn polleun paim diunk zai soddun,
Eke eke mhunnecho tav pollen tor kaddun,
Zanvai tanchi toklen ami gheunk zai oddun.
Pai dita tem sorta, maim dita tem urta,
Oslea voparenim zantte uloup korta,
Kitem zait tem sorta, kitem zait tem urta,
Hem barik chintlear sarkench disti poddta.
Avoi Bapui dhuvek aple vaddoitat mogan,
Bapui zoddta avoi moddta, jieuncheak sukhan,
Apnnak unnem korun duddu sambautat benkan,
Dhuv vhoddli zatoch tika diunk novreache gopan.
Bapui dita ozar, dhuvek korta kazar,
Bapain dil'le ozar, apxinch zata kabar,
Avoin dileli dekh, dhuv kortokoch uzar,
Vaitt zanv bori rith dekh, dista sobhe mazar.
Bapui kitle duddu dit te sodanch uronam,
Avoichi dekh pakkam futton uddon vochonam,
Vaitt zaun bori, dekh ti khori, lipon uronam,
Ozar dil'le sompta, punn ti rith dekh somponam.
Bapui duddu zoddta, avoi dekhin laita,
Avoiche rith dekhin sounsar sogllo dista,
Dekun amche zantte oslem uloup korta,
Pain dilam tem sorta, main dilam tem urta.
4.PAIN KORUNK NAM POI TEM – Alfred Rose
Xapai xamaim khuim mozo,
Pai lhan astannam melo,
Polloun eksuro bheos tacho Maman samball kelo.
Hai Kotta! Paik mojea mevlinam ub avoichea mogachi,
Eksuro vaddlo kakut mellon dubllea mamachi,
Panch classi xiklo, ghottai mellon taka padr Vigarachi,
Xetkamti zalo, zomin mellon komnidadichi.
Pai mozo zalo xetkar,
Mhaka kelo vhodd xiknnar,
Pain korunk nam poi tem anvem dakounk sobhemazar.
Pai mozo xetam fonddtalo kudou gheun apleam athanim,
Tech porim bhaimchem udok to kaddtalo lattinim,
Punn anvem tractor ghalun xetam aiz fonddlim sompeponnim
Tech porim pump ghalun udok denvoilem xetanim
Jem kortalo mozo pai,
Tench putanui korunk zai
Oslim chintnam chintinakai, Vaddoncheak ghe upai
Pai fitter, amim putanim Engineer zaunk vavroya
Pai dorji, tench dorjeponn vaddounk fuddem soroya
Pai bebdo, tache von voddle bebde zanvchenhoi sudroya,
Pain amchea korunk nam tem ami korun dakhouya
5.PAI-PAI - Alfred Rose
Ekuch utor tin letranchem,
Sulestar korunk chodd sompem,
Khorench tem ortea valorachem,
P A I utor tem..............................}X2
Pai pai tum mojea mogacho pai,
Pai pai sogllo dis tum abzoutai,
Pai pai maka voir kaddunk tum ghametai,
Boreponn mojem pounk axetai,
Kitlo mogall tum pai,...............}X2
Zaitea amchea kantoristanim,
Palkacher than maink vakandlea,
Punn babdea paicho kont-ixeop nam,
Kiteak taka visorlea,..........................}x2
Bhurgeam ballamcho toch adar,
Pottak lagon to bonvta sonvsar,
Aplo jiv passun ghalta babdo riskar,
Bonvta to sonvsarachea pottar,
Moronk zata toyar,......................}X2
Maim khorich gharachi rannim,
Abzouta ghorcheam rattinim,
Rat dis suseg nam, chintnam tichem,
Ghor dar khoxer dovorchim..............}x2
Pai-maim kitle darun koxtt tumche,
Pai-maim kallzak poddtat khol ghaye
Pai-maim hem chinta zait tumche put ye-te,
Thodde put tumche zatoch vhodle,
Visortat koxtt tumche,....................}X2
6.PATOK RODDTAM - Alfred Rose
Roddtam,, Patok anv mojem roddtam,
Sanddlelea kallzak anv sodtam.
Dhonia Deva he dongor soglle lottun mhojer uddoi,
Somdir tum ugodd ani kudd mhoji buddoi,
Kitem anv korum, kitem anv korum.
He dolle mhoje patki, donui dolle zoddoi,
Kalliz mhojem ghatki, ujeant voron kolloi,
Kitem anv korum, kitem anv korum
Jiv ho riskar ghaltolom, soddun tuka kaddtolom,
Guneav mhozo zala zalear, bhogsonnem anv magtolom,
Paim tachea poddtolom, patok mhojem roddtolom,
Bhogxi nam tor paim lagim mortolom,
Khuim tum asa, khuim tum asa,
Mannka mhojea, khuim tum asa.
Dhonia Deva he dongor soglle lottun mhojer uddoi,
Somdir tum ugodd ani kudd mhoji buddoi
Kitem anv korum, kitem anv korum.
Oi, dakoi Dhonia dakoi Dhonia dakoi tachi saulli
Kollon uddoili anvem bori mennachi baulli,
Pixeponn mhojem, pixeponn mhojem.
Hea sonvsari bulovnneanim gineannar marli davli,
Atam maka sonvsarachi sarki vollok meuli,
Urmotponn mhojem, urmotponn mhojem,
Anjea porim distalem, nirmoll jivit sartalem,
Rupnnem dakoi nakai Dhonia, kalliz odik duktelem,
Jivit mhojem fottoilem, kalliz mhojem dukoilem,
Sukan jietalom tacher odruxtt addun votoilem
Guneav mhozo, guneav mhozo
Dhonia Deva, guneav mhozo...
Dhonia Deva he dongor soglle lottun mhojer uddoi,
Somdir tum ugodd ani kudd mhoji buddoi
Kitem anv korum, kitem anv korum.
Kitem anv korum, kitem anv korum
7.PATXEA MANDO ANI DULPODANCHO - Alfred Rose
Patxeai mando ani dulpodamcho...konn zait tho?
Raupi dhobitalao, zaun aslo eok okond muzg eka tempar,
zachim kantaram aiz saddoutat soglleanchea gharanim
Aikat mojem kantar ithiasichem, ugdassachem
Patxeai Mando ani Dulpodancho
Kantoristam moddlo tho kantor,
Muzgam moddlo uxear band leader,
Sabar tiatramcho to author,
Tosoch ek uxear actor.
Tho melear, chodd vorsam zaunk nam,
Punn palkar, konnech ugdass korunk nam....,
Muzgaponn tannem, kitleam zannak zait xinkounk nam....
Punn tacho aiz, ugddass amkam nam,
Aiz nodor marit tor gharanim, xaranim, vaddeanim, kuddanim,
Gayena, tachim keleam sogleanim.
Angounn ami kelele re dogainim,
Gopan dhorun roddlelim dukhanim,
Kallzam amchim ghantailelim chintnanim,
Duspot amchi keli khotta amchea gorcheanim.
Khoxi kazarachi, nirddukai ghorcheanchi.
Moga bhirmot futtom amchea dukhamchi.}...2
Mando ani dulpodam tachim,
Khorinch zaun assat chodd gostachim,
Khuxeal kori kallzam sogleamchim,
Aiz zaleam ithiasichim
Tiatran, tho vazop kortalo, Tiatrui zaite pautte dakoitalo
Kantarank, to music ghaltalo, recordam, passun kaddtalo
Trumpet vazoun hall gazoitalo, Drum pasun, vaztalo,
Rebekui, vaztalo, khoroch uxear aslolo
Mhunneo assa zaun gueleot phinnka
Juramentak kedinch nam go sutka,
Anj bokth jagrut kortokuch bai tuka
Guneav bogos magonk tum eunaka,
Kalliz doxim kelem innocent,
Negar koxem gelem derepent,
Maka dilolo jurament…..repeat kalliz doxim kelem...
Cruz Noronha mhunntlear tea tempar,
Nanv gaztalem Goemchea mapar,
Cruzchea jazzwala mhunntalet sabar
Khoroch ek artist uxear
Kantaram, chedde-cheddvam mhunntelim,
Baltimak, festank gazoitelim,
Dulpodam tachim, sodanch jivim urtelim
Folk songs mhunn, ithiasin rigtelim
Aiz tumche mukhar ubo ubo ravtam, tacho anv ugdass kortam
Dulpod hem, mhunnat mhunn, tumche lagim anv magtam
Mozo poti bommai gela, tacho usko maka zala....2
Ani nimmanea vellar, sopheacher boson, beiz maka dila...2
Poti ye, poti ye, ani gopan maka ghe. poti ye, poti ye ani gopan maka ghe..2
8.PITTACHO GULLO – Rita Rose
Satam bhavam pattlean eklem,
Angounneanim magon ghetlem,
Sukhan vaddoilem, mogan khelloilem,
Ful mhunnon bhagintlem.
Pai kopit choloita tarvam,
Ghou negos korta gheun ghorvam,
Amchea parveamchem zoddem poun,
Bhattkaraleam baieamchim chavoutat nervam.
Mozo ghov pittacho gullo,
Sarkoch Eropeamlo chollo,
Goleant anv tachea khoddkhi ghaltam,
Zait mhunn tumcho dollo.
Kaiborem nanv tachem Bonny,
Vhoi anv ghorkarn tachie Annie,
Angan distam barik, punn ragak soddsoddit,
Samballat ankvar cheddvanim.
Ankvar cheddvam anvdde gon'tat,
Taka poun uzoti kortat,
Ankvar nhoi bai to, ghorkar mozo to,
Kiteak tokleo foddtat.
Kiteak bestteoch kortat jiti,
Kazareancher martat mitti,
Tumkam adinch sangtam, un udok ghalun,
Kombie bhaxen kortelim sutti.
9.PODDTELEM MALDISANV – Alfred Rose
Kochreachea dhobean to aslolo, sunneanim khelolo,
Muieo chabon tambddo zalolo, main-pain moronk soddlolo,
Pulisek meutokoch pulisen orphanage-an ghatlolo,
Social vavraddeanchea adharan, jiv tacho sambaulolo.
Avoi ankvar vo kazari hem konn sangtolo,
Hindu kristanv ou Musloman konn zabab ditolo,
Thoddinch voram zalim sonvsaracho uzvadd deklolo,
Konnank naka mhunn kochreachea dobean ghalolo.
Avoin rostear udoil'Lim bhurgim aiz orphange sambautat,
Tantlim thoddim vanchonk pautat, thoddim moron vetat,
Hea sonvsaran tancho konnuch nam, tim khorea mogak axetat,
Zanvaram bhurgeank sambautat, punn munis kochreant ghaltat.
Tem bhurgem kochrean uddoil'lem noxibvont zalem,
Orphanage-an sambaulelem Eropak pavlem,
Eropa ek famil asli punn bhurgem naslelem,
Tannim taka Eropak voron aplem ghor bhorlem.
Ahhh kitle zann team social vavradeank bottam aplim dakoitat,
Bhurgeank forsan converter kortat mhunn kagdamcher boroitat,
Apunnui bhurgeank samballinam rosteamcher morok soddtat,
Je konn poi bhurgeank sambautat te tankaim kondenar kortat.
Burghem tem vatter morta dhorm tacho kitem zanv,
Jiv tacho veta, maim-pai konn kotta nam taka ganv,
Amcheo orphanages tankam mogan ghetat kitlem istimosanv,
Tankam konn kondenar korit poddtelem maldisanv.
10.POPAI ZAI – Alfred Rose
Zai ghe maka xamai zai zai, popai zai, maka zai
Rauchonam anv tika kelea xivai, chodd maka tichi apurbai…2
Mari Jakinan mojea sezaranin popayeo laileleo tin,
Achem tachen tinnem kaddun rin,
Sambauleot bhore jinnxin
Don moron noxibant ek urli jivi,
Bombaim than Goeam vetoch nodrek moje poddli,
Thuimsor than polleli anvem popai ek lamta thi,
Ani sezarnichi kanant anvem oxi xempdi lotli.
Mhunnon Zai ghe maka xamai zai zai, popai zai maka zai
Ravchonam anv tika kelea xivai, chodd maka tichi apurbai....2
Popaiechi khobor mainak sangli,
Maim moji finnouli,
Dantt vontt killaun angar aili,
Ani ferem ferem korunk lagli.
Ek dis anvem manni kaddli maink moje fottonvchi,
Upaxim kamboll kamrun bajir ghutli marli,
Main baba puta mhunnon uttouncheak lagli,
Ani anvem bobo marli damun dhorun moji tokli.
Zai ghe maka mai zai zai, popai zai, maka zai
Ravchonam anv tika kelea xivai, chodd maka tichi apurbai....2
Maka polloun maink guddguddo suttlo,
Danvon danvon tinnem dotorak addlo,
Dotoran yeun mojea athak dorlo,
Ani kuch korun ansonk laglo.
Dotoran mojem fokandd sarkench parkilem,
Vogot kaim ek launk na, rokdench injectsanv kaddlem,
Injectsanv polloun saiba, rogot mojem suklem,
Zap korun ubo ravon anvem dotorachea kanan ghatlem.
Mhunnon zai gha maka dotor, zai zai, popai zai maka zai
Rauchonam anv tika kelea xivai, chodd maka tichi apurbai...2
11.PORNEM VOLTER - Alfred Rose
Xemaim moji bori, mog mozo kori, bhavank zali nosai,
Tuzo mog ti korta, amcho korinam uloitalet pisai,
Punn anv kitem korum, tika fokot moji asli tor apurbai,
Devan tika veli, ghor zalem khali, kallzak zalem ai.
Punn morchea adim tinnem oxem kelem, ghor aplem mojea bhavank dilem,
Bhatt bhens dusreachea nanvar kelem, xeth aslem tem boinnin velem,
Bhavamchem-Bhoinnichem kalliz khoxi zalem, mojea tonddantuch poddlem alem,
Konxeak ek pornem volter aslem, tem addlem ani mojea khoddear ghatlem.
Oh kitem kortolom, khuimsor vetolom, bhav laglet ansonk,
Bhoinn moji ekli, vhoir kaddun tokli, khoxen lagli nachonk,
Te khendtalet maka poiat re haka khuimch dinaslet vosonk,
Nanv mojem Santu apurbaicho natu, volter meulam bosonk.
Tem volter mhunn saiba koslem, alta dollta poi tosolem,
Xemaichem kortub kosolem, volter diunk maka osolem,
Barik pollet zalear tem dissot mottem tin paiyani ekdom thontem,
Xamain chikann kelem mottem, koslem mojem noxib khottem.
Rag maka ailo xamain maka oxem kelem cat,
Dhaktto mhunnon anv chavoitat maka, zal'lea porim ek rat,
Punn sonxisor sonslem, chodd zatoch tanchem, uttlom korun hett,
Volter ukol'lem, zomnir marlem, mhunnon that is that.
Tea volteracho ek zalo far, dolleamcher mojea ailo bar,
Tea volteran mista aslem bhangar, libram ani molladik tikam chear,
Tea bhair duddu ozaranche ozar, bhav-bhoinnichea tondak zali arr,
Korunk laglim maka nomoskar, xamaim ikmotin bhorich uxear.
12.PRINCESS DIANA – Alfred Rose
Diana, Diana pollunk diso pattovantli pori,
Rochtelea Deva Bapan, tika kantoileli ek sundori,
Khuimsorui, disti poddlear, tichea patlean fotvamkaramcheo ari,
Ti sundor Princess of Wales, bhangarachea kallzachi ostori.
Tichem kazar Prince charles lagim, uchamboll somdiran buddlelem,
Torui tinnem aplem urlelem jivit, gorjevontam pasot bhettoilelem.
Diana, Diana, Aids duens asleleank buzonn ditali,
Koddkarank porixm mellon, tanchea athan aplea athan melloitali,
Diana, Diana, Panglleam kurdeank bhurgeank ti sambautali,
Tancho sonvsar rosroxit korunk, ti apunn porxim vaurtali.
Fottvamkarmachea, chopkeantli, khoxi korun suttonk ti sodtali,
Teach fottvamkarank lagon mhunntat ti, nistur motorache abhgatak sampodli.
Dian Diana, gorjevontacho ti borvanso,
Amurkench, tem mukhamoll, diso sorgailo anj bodvo koso,
Diana Diana soglleank mog ditali apnnacho,
She is Queen of hearts lok mhunntat, paloulo divo gorjevontacho.
Mother Teresak, jivi santinn, tikai Devan aple vontin veli,
Amchi grestkai Dhonia tunvem veli, ani gorib porjek dubli keli.
Mother Teresan kitem kelem, konnech korunk nam tem tinnem kelem,
Noble prize, Bharat Ratna, toxench sonvsaran vhodd vhodd nanv tika dilem,
Ti somptoch amchea serkaran tika state funeral favo kelem,
Mother Teresan ani Princes Dianan gorjevontam pasot ojeap kelem.
Mother Thersan ani Princess Dianan tannem kelam tem
kednach visronk zauchem nam...
13.PUNN TUM MOZO DADDY - Alfred & Engelbert Rose
Father: Tum iskolak vetai, teacherik bejar kortai,
Son: Punn tum mozo Daddy,
F: Tum ghara yetai kapddam soglleak ghaltai,
S: Punn tum mozo Daddy,
F: Tum bhavak martai, taka chimtte kaddtai,
S: Punn tum mozo Daddy,
F: Tum kuznant vetai ani nistem chortai,
S: Punn tum mozo Daddy.
F: Tum khellonk vetoch bhurgeamchim kestamvam addtai,
Ani Sant koso zaun ogoch konxeak bostai,
Tum konnam bhaxen zalai, poi dis rath sotatai,
S: Anv tujea bhaxen zalam daddy.
F: Tum ghara astoch jiv khatai mummycho,
S: Punn tum mozo Daddy,
F: Anv khadd kaddtana vakor voddtai mozo,
S: Punn tum mozo Daddy,
F: Nanak chavoitai vankddo korun boncho,
S: Punn tum mozo Daddy,
F: Tum ostad zalai amchea bildingancho,
S: Punn tum mozo Daddy.
F: Tum tonddak lepdaitai mummycho powder,
Ani lipstikui laun, pollunk distai vandor,
Tuka anga konnem addla,tum ekdom aramkor,
S: Tunvem maka addlai Daddy.
14.PURSANV – Alfred Rose
Kazaracho zalom dekun anv kazar za mhunn fors kori irmanv,
Soirik korunk fuddem sorlo Simanv,
Oklechem nanv Mari Concessanv,okol sodanch astali Damanv,
Damaum than ti Bomboi aili gheunk mozo umanv.
Okol diso, dovo dovo sonso,
Mini ani maxie ani hot pant passun neso,
Amurkench anso, matxe matxe lozo,
Kitem tumkam sangom sonxea pattlean zalom pisso.
Noxiban sangat meulo boro,gopan gheun oklek addli aro,
Pag mhunnlem anv ozar zoddtam magir mhunnxi fotkiro,
Kazar zaunk sorchea adim aro,aik sangtam kaido mozo khoro,
Panch-sou-sat-att bhurgim nakat fokot tegamch puro.
Kazar zaun voros zalem pasar,bail asli familichea bhesar,
Boro uzvadd mellonk kortalom rozar,
Kalliz khoxen nachlem kumpasar,pai zata mhunnon, moddlet ozar,
Novea moinean bail pauli operassanvachea mezar.
Dotor khoxen ailo, ath maka diun anslo,
Porbem mojem tuka mhunnon alvis magonk laglo,
Anvem vinchar kelo, zalam cheddum vo cheddo,
Bailexim pautoch atham-donkeant koddkoddo suttlo.
Ant-pint aslem tem soklak denvlem, rogot aslem tem toklek choddlem,
Kitem korchem, khuimsor vechem kainch sozmonam zalem,
Family planning anvem kelelem, teganch bhurgim puro mhunnlelem,
Ekech pautti saiba tegam zait mhunn chintunk naslem.
Bailexim vochon kelo vinchar, sang baile ho koslo to vepar,
Khuimchea Santa lagim kortali rozar,
Bail khuim angounneom kortali sabar, sodanch Santizm Trinidadi mukhar,
Trinidad mhunntoch teg zonn ube zale darar.
Zanv Saiba zanv, bailen addlem nanv,
Santizm Trindadin teg zonn daddlet mhunn bhorlo ganv,
Bara apostlam lagim bailen kelelem tor orassanv,
Gharant amche mista yetem aslem bara zanachem pursanv.
Kitem korchem poi tem sozmonam, konnacher xinn korcho gomonam,
Zoddta titleim moddtam Saiba pagui mojem pavonam,
Rinn kaddunk paiem fuddem soronam,duddu subej zoddunk ghoddonam,
Bhogos Saiba patok mojem anv kitench mhunnonam.
15.PUT ANI SASUPAI - Rita Rose
Rostean choltanam jetan, eok mhataro poita nettan,
Mateak xendrechem chepem ani roth gheun bhonvta atan,
Avoi, avoi anv choltoch fuddlean, to eta mojea pattlean,
Kantar korun vhoddlean,
Poromm pomm pomm,borem asai tum goromm goromm
Poromm poromm pomm, Poromm poromm,
Poromm poromm pomm pomm,poromm pomm pomm,
Eok dollo taka moddlo, ani kuch korn anso soddlo
To danvon fuddlean ailo, ani dimbi ghalun ravlo,
Lozlim anv bestinch saiba lozlim,
Kallzam mat khoxen anslim,tachim utram kanan vazlim,
Poromm pomm pomm,tuzo ath kitlo noromm noromm,
Poromm poromm pomm, Poromm poromm,
Poromm poromm, pomm pomm, Poromm pomm pomm.
Mataro uxear kombo, sarkoch mankurad ambo,
Novreak mojea gomot tor, kortolo tacho khimbo,
Uxear, uxear mataro uxear, mhunnta zatai tor kazar
Ditam tuka ozar,
Uxear uxear, mataro ekdom uxear uxear,
Mhunnta zatai tor kazar kazar, ditam tuka ozar, dita ozar.
Kednanch anvem chintlemnam, to zait mhunnon sasupai,
Kal novrean maka sanglam, to mhunnon apnnancho pai.
Avoi sasupai mog mozo korta,tacho put mog mozo korta
Kitem korum kotta,
Kazar zatam, kazar zatam anv puta lagim,
Ozar asat sasupai lagim,poromm poromm pomm pomm
Poromm pomm pomm,
Poromm poromm pomm, Poromm poromm,
Poromm poromm, pomm pomm, Poromm pomm pomm.
Updated 12th July 2020
