Monday, October 9, 2017

Konkani - Rosall Taleachi Tust

Rosall Taleachi Tust by JOEL D'SOUZA  
 
Konknni machiechea anim maimbhaxechea onodak jem hanvem jem kitem kelam, tem hanvem nanv zoddunk korunk nam. Punn Devan mhaka gavpachem dennem dil'lem taka noman korun hanvem soglem kelam. Anim hem soglem aiz pasun mandlam dekun mhaka dhadosponn bhogta. Mhaka ghorkarnui Devan tech bhaxen dilea.


Aplea rosall tallean amchim monam bhulgavpi Konkani kantorist-tiatrist ALFRED ROSE halimch Goeam ailolo. Tiatranim kam korunk orxim to Goeam ietalo punn durdoivan Alfie gelea vorsa marekar duensak sampoddlo…zomnir panvom tharona titlii hea stylist tiatristachi bolaiki bigoddli. Punn Devache doien tachi bolaiki atamsudhorlea Atam Alfred hollu-hollu cholunk lagla. Machier choddun porot lokak aplea sobit tallean dipkavcho…oxem pasun taka dista…Punn to sarkho boro zalea xivai taka machier sangat divpii potinn Rita Rose taka oslo risk ghevnk porvangi dita? Bonaventure D'Pietro ani Joel D'Souza Alfieche khobrek gelele tednam thoddem bhov ulovp zalem, tache kaim bhag hanga ditanv.


BONAVENTURE D'PIETRO: Tiatristam koddem ghoddunk nam tem tuvem kelam: tuvem kadambori boiroilea. Borovpeam koddem ghoddunk nam tem tuvem kelam: sundor kantaram ghoddleam. Jem tiatristam anim borovpeam kodem goddunk nam tem tuvem kelaim: kantarank songit bosoilam. Muzgam koddem ghoddunk nam tem tunvem kelam: kantaram tuvem machier gaileam. Tujea kantaramchem buk xaplea. Konknnintlo ekuch comics buk xapla. Poilemch Konknni kesett kelam. Music show kelea. Inglezin kantaram ghoddun Ceylon Radiocher pasun gaileaim. Ani Goemkar sonvsarachea san'ni konxeamnim ximpoddleat thuim pavon tankam amche maimbhaxechea fulam-follamcheo daleo pavoilea. Amchea mannkulea Goeank lagta titleaim vixoiancher tuvem kantaram mhunttleaim anim ganvbhavank zagrut dovorleai. Vivid vostu tuvem amkam korun dakhoileai.
ALFRED ROSE: Konknni machiechea anim maimbhaxechea onodak jem hanvem jem kitem kelam, tem hanvem nanv zoddunk korunk nam. Punn Devan mhaka gavpachem dennem dil'lem, Taka noman korun hanvem soglem kelam. Anim hem soglem, aiz pasun, lokak mandlam dekun mhaka dhadosponn bhogta. Devan, tech porim, mhojea taleak anim sobhavak sobhta tosli ghorkarn mhaka bhettoilea.

P: Punn tuje bolaikecho sogleank usko zala.
A: Dev mhaka boro kortolo. Atam hanv zaitoch boro assam. Mhaka konn pollovnk ail'li tim mhunno lagli: Alfie tum boddi ghevn choltoloi mhunnon somzolelim, punn tum boddi nastanam choltai? Hem ek ojeap.


JOEL: Tuvem veglleam-veglleam torimnim gitam ghoddleam anim gaileam
A: Hoi, hanvem zaiteam torimnim kantaram ghoddleam. Punn dusreamchi nokol marunk. Karann, Devan mhaka ek sobit tallo dila anim mhaka dislem ho tallo hanvem bore toren vaprunk zata mhunnon. Hanv "lharam" ghalun gaietam toxem adim konnuch korinaslo. Atam thodde toxem kortat. Te mhaka man' ditat hanvem kitem kelam toxem korun…


P: Zaite torne gavpi jednam mhaka vinchartat tednam hanv tankam sangtam: Alfred Rose zavnk sodhinakat. Devan tumkam soimbhik tallo dila toch, ghoddta zalear sudhravn, vaprat.
A: Te hanvem jem kitem kelam tachi nokol kortat zalear te mandtat hanv tancho nomuno vho guru mhunnon. Zoso Young Chico mhunntta,Alfred mhozo guru. Tem mhaka mandlam dekhun hanv tachea panvlar panvoll ghalun choltam.


P: Kesettamchea mollar atam kitem bodol zala? A: Subez commission divpachi sonvoim keli. Punn hanvem nhoi. Hanv tharaileli kimticheruch viktalom. Vikpi mhunno lagle her bhurge subez ditat, anim tum itlech…? He porim kesettinchim dhor khala poddlea. Anim kesett korteleank favo title poixe mellonant. Despez ekdom vaddla. Vikri zavnk zai, punn ti koxi zateli aiz amchea ghoramnim Konkani bhas cholonam zalear? Kelem…amim tea tempar. Cheallis kesettam hanvem kaddlim hanvem aiz pasun anim thoddim kaddunk Devan mhaka kurpa dilea puro mhunnon magtam.


J: Tuvem Konkni khatir itlo vavr kela astanam, Goemchea serkarache nodrek kaimch poddunk nam. Zaitea tiatristank inam anim award favo zaleat. Punn…
A: Mhozo vhoddlo award zavn asa lokachi maneatai. Lokh mhaka mandun gheta mhunnon hanv koxi. Hanv kantaram ghoddtoch ravlom, mhaka award mellunk zavo mhunnon nhoi.


J: Khuimche piraer tuvem kantaram korunk suru keleleim?
A: Ikra vorsamcho astanam.


J: Khuimchea tiatran tuvem poilech pavtti kantar kelem?
A: 1944 vorsachea sumarak J P Souzalinachea "Poilea Cheddeachem Baltim" tiatran. Punn Konknnin nhoi, Inglezin "When you are going to pay me what you owe me?" Uprant, C Alvaresan mhaka aplea soglleam tiatramnim ghatlo. Tachea tiatran, hanv Goeam ievn, famad zavnk pavlom.


P: Liberation zanvchea adim tum Goeam pavlai tor?
A: Purtugezachea tempar hanvem ek kantar mhunttlem "Goa Goa mhunnon sogleamnim marli dhanv". Tem lokak itlem mandlem ki veta thuim mhaka lok tem mhunnunk laitalo. "Mandovi"…tea tempailem...1960.


J: Tiatr pollovpi anim Konknnim kantaram aikopi azunui tuka ukllun dhortat…
A: Hanv duent zalam mhunnon gomtoch, sogle mhoje borem-magpi, mhoje fan…Kuwait, Qatar, Konknni Kendr, Dubai, Philip Dias, Goeam, Bombai, Canada anim Londonan thavn pasun mhaka fon aile sangun "Ami chodd sintid tum sik zaloi mhunn. Punn Dev tuka boro kortolo; amim tujea pasot magtanv". Tannim magnnem kelam mhunnon hanv aiz itlo veguim boro zavnk pavlam. Kitlea lokan maglam astelem…Dev nam mhunnttolo? To mhojea sangata asa dekhun konnuch mhojea virudh assonozo. Mhaka anink thoddem auk tannem dilea puro mhoje anvdde xarti pavonk.


J: Khuimchea-khuimchea ganvamnim, desamnim tum pavlai?
A: Indient: Bombai, Calcutta anim Delhi. Afrikak: Nairobi, Kampala, Mombasa. Londonank. Gulfak mhunntlear poilo tiatr 1970 vorsa hanvem dakhoil'lo Abu Dhabi…Atam sogle vetat. Londonankui poilo music show hanvem dakhoilolo. Kuwait mhozo poilo professional show zalolo to…"Lakhpoti Novro", dusro "Angovnnechi Okol". Gulfachea sogleam ganvamnim hanv bhonvtoch asam.


J: Tuvem kitle Musical show keleai?
A: Bombay anim Goem dhorun hanvem tin musical show keleat: Musical Show No.1 anim 2, Rock Musical Show anim ek mhojea baby-k ghevn "Musical Fiesta". Hea musical showank band stejir aslem anim gavpi tanchea fuddean…anim modekat lahn nattkulim, skitts…to break the monotony.


J: Tell us something about your family life as far as your work goes.
A: When I got married, my wife Rita joined me in this work. She helps me in composing various songs, gives me ideas, and those ideas I use to impart my knowledge to people. My son Schubert is in the States, he was singing with me. And my younger son, Engelbert, who plays the keyboards, has also helped me a lot. Tumim tanchim kantaram aikoleam…"Punn tum mhozo Daddy"…him kantaram lokak bhovuch mandleant. Tea uprant amchem dhaktem cheddum, Alria Dolly Rose, ailem dekhun hanvem "Musical Fiesta Show" kelo anim tovui lokan mandun ghetlo.


P: Atam tiatr khuim pavlet tor?
Atam tiatr zainam. Ani musical show kortolo zalear despez chodd zata. Tantun sound zo vapddunk zai tachech unnemxe Rs.50,000 zatat. Title poixe vaprun loka laguim tikett viktti ghevnk zainam. Tea passot hanv mhunntam, to teomp zednam amim tiatr kortaleonv, to teomp bhangaracho aslo. Tea bhair, atam soglemch mudar zalam. Music has developed a different taste altogether now. Punn tim adlim kantaram kednamch kabar zanvchinam. Atam ghoddtat kantaram…Devan apnank dennem dilam tea pormonnem.


J: Tuvem itlim sobit kantaram ghoddleaim, tanchea modhlem khuimchem kantar tuzo masterpiece koxem tuka dista?
A: Mhojean oxem kainch mhunnonk zainam kiteak mhojem dor ek kantar hanv ghoddun topastalom, ghorkarnink dakhoitalom…Tea adim, mhojea papak anim mamank dakhoitalom, anim tankam mandlear lokakui mandtelem mhunnttalom. Hanvem "Ghupit Mog" kantar ghoddlem. Lok somzolo tem mhojea jivitak lagu zata mhunnon punn tim chintnam mhojim…jim lokak avoddlim anim tem kantar zaiteam ganvanim azunui mhunntat. Dusrem hanvem ek kantar ghoddlem tem "Ami Sogle Ek"---zanv Mungllurkar, Goemkar, Karvarkar, Malvonnkar…amim sogle Indieche cidadao. Tem hanvem sogleam artistank ghevn Mumboi machier gailem…anim tem azun pasun mhunntat. Hea fuddem hem kantar soglea Goeam gaitele mhunn hanv axeon ravtam.


J: Tiatrist anim kantorist zavpak tuzo…
A: Hoi, mhozo papa. Poilim kantaram mhozo papa ghoddttalo. Poilem English kantar ghoddunk hanv koxem pavlom? Ek dis amim picture-ak geleanv. Thuim rekord vaztali. Hanv ghara ailom anim papak vincharlem: Papa amchean English kantaram ghoddunk zainam? Tannem mhunnttlem: Zanvchenam? Kor. Anim tednam thavn hanv English kantaram ghoddunk laglom, anim pasun 1500 English kantaram mhojim asat, tantlim thoddim hanvem rekord keleam.


J: Hantlem poilem English kantar khuimchem?
A: "Flowers". Maguir "Mandovi".

J: Ani Radio Ceylon-acher ietalim tim?
A: "Date with Daisy". "Seagull"…these were on HMV records. Anim he bhaxen…I was the first one to make an English-Konkani record.


J: Are you a musician too?
A: Yes. I play the violin and the guitar. And God has given me the art of making music arrangements. I have not studied it though I have studied music. Hanv ek dis recording-ank gelom tednam konnem mhaka mhunttlem: Alfie tum kiteak dusreamchem music haddttai? Tum amkam kaibore tune ditai, tum kiteak tujem music arrangement boroinaim? Tem mhojea monan riglem anim hanv music borovnk laglom. Anim oxim kantaram fattlean mhojim kantaram bhair soronk laglim.


J: Tea munxeachem nanv?
A: B. Paul (Colvalecho). To tiatrank saxophone vazoitalo.


J: Sogllem mellun kitle tiatr tuvem boroileai?
A: Ikra. Poilo tiatr Hem Tem Karann anim nimnno Somestancho Kumpar. Tiatr sudravnk hanvem zaitem kelem. Somestancho Kumpar tiatran…pordde poddttale te bond kele. Punn tiatr pollovpi mhunno lagle: Are pordde poddonam mure.


P: Adim porddo poddunk pirluk martale. Punn Angovnnechi Okol tiatran oxem zainam tem pollovn lok ojeaplo anim intervalak tuvem hem lokak ugddapem kelem.
J: Jitli tuvem kantar gavpan anim gaitanam ektting korpan umed/urba dakhoilea tosli tuvem partichea ekttingan…
A: Basically, I am a singer. Ektting konnui kortat punn Devan poi ho tallo dila to dusreank divunk nam. Dekun to vaprun, mhoje stylin gitam ghoddun, lokak aikunk dileam. C. Alvaresan mhaka zaiteo parti boroileat, jeo lokak avoddleat.

Konkani - Alfred Rose & Rita Rose

ALFRED ROSE & RITA ROSE


Alfred Rose Agostache 5ver 1932 vorsa Aldona zolmolo. Tachem sarkhem nanv zaun asa Rosario Alfred Fernandes. To zaun asa put tiatrist A.M.B. Rose ani Dolorosa Fernandes, hancho.

Sumar oddez vorsancho astanam, taka Bombaint haddun Little Flower of Jesus iskolant ghatlolo. 1939 vorsa taka tachea xikovpean her bhurgeam vangdda ek git gavunk dilem. He toren to poilo C.J. Hall Museum palkar dislo.

Alfred Rose-ak boro soprano tallo aslo dekhun Valent Mascarenhas, hannem taka Dabulchea Mestirik melloun dilo, zannem taka Sam Francis Xavier-achea festachea Novena-che, Salve-int kantar korunk soeg dilo.

Alfred Rose professional palkar poilech pavtt Miss Ida (Jose Mendes - Aldona), hachea tiatrant dislo Dhobitalao. Tannem Salvin ani Thomas Coogan, hanchea sangatak ek kantar mhunnlem, 'Kiteak Jiv Khatai'.

Durea vorgant than to Xavier Iskolant xiktalo, zhoim taka gavpant khup inamam favo zalelim. Tachi huxearkai polleun J.P. Souzalin hannem taka, ek kherit ispixial bhurgeachi part boroili aplea "Poilea
Cheddeacho Baltim" tiatrant 1945 vorsa Bhangwaddi palakar.

Hea tiatrant Alfred Rose-an part keleli Anton Bautis-achi ani tachea podonichi part keleli Anthony D'Sa hannem. Tea xivai hea tiatrant AlfredRose-an gailem ek Inglez Konkani kantar.

Tachi huxearkai polleun C.Alvares-an taka aplea tiatrant ghatlo nanv diun Junior Rose. Aplea kanatara vorvim tannem lokank dipkhaun uddoile. Tea uprant C.Alvares-an taka aplea khup tiatramnim ghatlo ani 1946 and 1950 vorsa aplea nanv Jr. Rose aslem tem tannem AlfredRose kelem.

St. Xavier iskolant xikon, 1949 vorsa to SSC pass zalo ani uprant National Overseas & Grindlays, heam bankimnim tannem nokri keli.

Bhurgechponnim Alfred Rose songit xiklo ani violin ani guittar vazoitalo. Adim tiatrist rikorrdim voilim Inglez kantaram mhunntale. Alfred Rose, hannem 1949 vorsa aplem poilench Inglez kantar "Flowers" ghoddlem, ani tea uprant tannem zaitem Inglez kantaram ghoddleant. Tachem bororeantlem borem Inglez kantar mhollear "Happy Go Lucky Man".

1956 vorsa tannem aplo poiloch tiatr 'Yench Tem Karann" Bhangwaddi palkar dakhoilo, zantun tannem mhunnllelem kantar "Mozo Noman" apleak voir kaddteleank man diun. Tache her lovkik tiatr zaun asat "Rogtak Tannelelo", "Lakhpoti Nouro", "Dotor Advogad", "Bhangaracho Voti", "Angounnechi Okol", "Munis vo Deuchar, "Director Saib", "Pessaumcar", adi.

1962 vorsa tannem poiloch non-stop show "Director Saib" dakhoilo. 1960 vorsa to Kid Boxer-a vangdda Afrikek gel'lo tiatr dakhovpak. Konknni E.P. korpak to zaun asslo poilo kantorist.

Alfred Rose Konknnint Romanxi boroitalo ani uvaddaitalo ani tech porim to apleam kanatarchim putikam uzvaddaitalo. Tannem "Amchem Noxib", "Sukhachem Sopon", "Bogllant", heam Konknni filmanim bhag ghetla.

Alfred Rose Konknnint Romanxi boroitalo ani uvaddaitalo ani tech porim to apleam kanatarchim putikam uzvaddaitalo. Tannem "Amchem Noxib", "Sukhachem Sopon", "Bogllant", heam Konknni filmanim bhag ghetla.

"Bogllant" film-ak tannem songit dilam ani gavop kelam. Konknni cassett kaddpeank rosto tannench dakhoila.

Alfred Rose zaun asa poilo Konknnint cassette kaddpak. Aiz meren tannem apleo 28 cassetti kaddleat. Ho zaun assa ek rikordd, karann azunui ekui Konknni kantoristan 9 vo 10 vhoir cassetti kaddunk nant. Tech porim to zaun asa poilo tiatrist, Dhobitalao-chea
Birla Hallant aplo tiatr palkar haddpak. HMV rikorddincher tannem Mahendra Kapoor, Krishna Kale, Shailendra Singh, heam navosteam Hindi playback kantorist-ank, kantaram ani songit diun Konknnintlean tancheo rikorddi kaddleat.

Alfred rose, hachea songit band choltalem "Rosebuds Swing Band" nanvan, zantun tachea dogui bhav, Marshall Rose ani Albert Rosevazoitale. Tachem ek kherit Inglez kantar mhollear "Light House". Hem tachem band kazarank ani her dhobajeank vazoitale.

Alfred Rose-an akaxvannir ani durdixnnear apleo kariavolli dileat, ani azun diit asa. Tech porim to Mungllurkaranchea show-amnim vantto gheta.

Alfred Rose, hannem Konknni palkar sumar 6 'Musical Shows' dakhoileat, zantlo tacho poilo 'musical show' ekdom hitt zalolo. Aplea tiatr ani show gheun tannem London, Paris, Frankfurt - Germany, Afrikechea ani Gulf dhesamnim bhonvddeo keleat.

Alfred Rose-achi ghorkarn, Rita Rose, zaito kall Konknni palkar dista. Ti ganvan Soccorro, Bardez. Konknni palkar tinnem parti keleat ani kantaram gailleant. Tinnem Konknni cholchitra-mnim bhag ghetla, "Bogglant" filmachi ti heroine". Tech porim tinnem akaxvarnnir , durdixnnear, rikorddincher ani cassettincher khup gitam gaileant.


Alfred Rose-achea dogui put Schubert ani Engelbert ani dhuv Alria Dolly Rose tanchea musical show-amnim bhag ghetalim ani tech porim cassettincher gitam gaitalim. Schubert atam tanchea cassettink songit dita, ani gaita.

Courtesy: Fausto V. Da Costa & Gaspar Almeida
 - Goa World