Tum dusrea borim bonvtai mhunn maka meulea khobor,
Kazarchem utor diun kalliz kelem libor,
Anv tuka naka zalear, sang maka ekuch utor,
Bottam moddun anv xirap soddchimnam, tujer ghalchinam fator.
Kazar zaumchea adim maka gomon borem,
Nam tor doriyan ubtem aslem mojem voddem,
Kazar zaumchea adim maka gomon borem,
Nam tor doryan ubtem aslem mojem voddem.
Tumvem oxem kelam dekun, maka rag yeum nezo,
Sorgar than anj yetolo, gheun mogacho uzo,
Tem tuka mandlam zalear, mojean kainch mhunno nezo,
Tache borim tum sounar kor tuzo, ugddas korn nakai mozo.
Tuje passun Deva lagim anv magtelim,
Morom passun, sodanch ankvar, anv rautelim,
Tuje passun, Deva lagim anv magtelim,
Morom passun sodanch ankvar anv rautelim.
BOMBOICHI BIRMOTI - Rita Rose (updated 2014)
Anv cheddum choltam fitti fitti fitti,
Mhunntat maka Bomboichi birmotti,
Chedde maka mogacheo daddtat chitti,
Punn konnakuch anv foddinam mitti.
Ansonk maka yeta chintun,
Guneanv mozo koslo antun,
Anv vatten choltanam, matare passun poitat maka kunttun.
Maka poitoch matare zatat pixe,
Tond ukoddtat zal'lea porim sonxe,
Rostean choltanam besttech martat anxe,
Dolle moddtat oxe oxe oxe.
Ho to anik makach poita,
Kitem baba tuka zata,
Pollounk boro dista, amurkoch ansta, tovui mataro puta.
Anv cheddum baba borea respedachem,
Vhoi Taj Mahalantlea vhoddlea mestachem,
Pai bhaxen anv randunk zannam ghostachem,
Sozomxeat anv mhunn bonder festachem.
Anv kazar zatam very soon,
Novro mozo bhurgo nhoi zun,
Roddonakat chintun,kazar zatoch mozo, chondrimant honeymoon.
BOTTATEAMCHI BHAJI – Rita Rose (updated 2014)
Anv mathear pantli ghe-un vikunk bhonvtam bottate,
Mojea jhetak polloun pattlean mojea lagtat tornatte,
Thodde ede motte motte, thodde barik burantte,
Ani thodde tanche modle Saiba bebdde surantte.
Sodanch anv Mapxeam bazaran vochon bostam,
Bahrainkar mellot zalear kuch korun anstam,
Kuwaitkar mellot zalear bestinch anv loztam,
Anim tanchim bolsam anv ikmotin pustam.
Hai! Kitem sangom tornem rogot dhanvta xiranim,
Teo soiriko darar amche martat ozaranim,
Punn novreamchem hea tempar xirasonn nam bhoinnanim,
Te moddke kheutat ratche rati vochon xaranim.
Konn cheddo korunk sodta amizad moji,
Anv sangtam poi taka tannem zaunk zai raji,
Anv baba randunk noko xit koddi taji,
Fokot randunk zannom bottateanchi bhaji.
Maka boro novro zai Saiba naka to moddkekar,
To janot nhoi tor porvanam, punn naka sorekar,
To gorib zalear cholta, maka naka duddvankar,
Punn vodik korun naka saiba novro dukornkar.
Kazar zatoch anv doddon moddon choltelim,
Anim eok bottateancho posro ghaltelim,
Novro barik zait porvanam anv postelim,
Sakh bhor bottate khavoun motto kortelim,
Ani anvuim magir poi mottim zatelim,
La al al la la la...
CAPTAIN - Rita Rose
Sobit dista mhunon rupan, cholle poddonk sodtat mogan,
Kallzant khoim tanchea upraslam tufan, dovrunk sodtat gopan
Mojea paik lok mhunnta forsu, maichem nanv kai borem Mersu
Maka farank sodtalo bonaunk chintalo voda gaumcho Lorsu
Sodanch bonvo amchem porsu, kantar kori ghoddun versu
Vaddeant kazar assot thor anv thoim disson tor, nachonk sodi walsu
Novre etat ozaranim, boundaunk soddtat mottoranim,
Rogot hem tornem danvta xiranim, bulloitoch utranim,
Souza Ferrao anvdeta gondta, Titta maka poitoch nachta
Ani Rico Rod motto maka lagon to maink moje fulam mavta
Alfred Rose inglezkuch tasta, Seby updateuch nesta
Ani edoso potto Bab Tony maka, kuch korn dolle moddta
Tiatrist novro maka naka, dotor novro saiba naka
Dogui ratriche vavrak vetele patieunk nezo tamkam
Aiz than askinbloz anv soddtelim,ani tight dress anv nestelim
Amche kuxik Bomboicho captain aila tho meuta tor poitelim
Tiatristank anv soddetlim, captank anv buloitelim
Ani captana borim voiren hea porim sonvsar anv bonvtelim
TUJE CHITTIK ANV RAVTAM – Rita Rose (updated 2014)
Eta mhunnon tunvem sanglelem, punn aiz pasun tum amger eunk naim,
Chitt boroitam tunvem mhunntlelem, azunui chitt borounk naim,
Kazar zatam mhunn utor dil'lem, azun utrachi mudi ghalunk naim,
Kalliz mogachea ujean pettoilem, to uzo azun palounk naim.
Don vorsam tuka ravleam, papa kazar korunk sodta maka,
Tunvem moji khobor korunk naim, uprant maka xinnonaka,
Postman etoch anv danvon vetam, maka chitt assa tor vinchartam,
Ani nam mhunntoch anv khontoutam, sodanch dukham golloitam.
Khoimchea cheddea borim bonvonk nam, punn tuje borim anv bonvlelim,
Dusrean dil'lim fulam mavunk nam, tunvem dil'lim fulam mavlelim,
Dansank pikcherankui vosonk nam, punn tujea sangatan gelelim,
Tujea moipassak anv dubavunk nam, borim sopnan sopnelelim.
Ho poi amcho postman ailo anik ek pautt vinchartam taka
Postam chitt assa re maka : Nam gho bai
Kallzak hea ulop pettleat, Kitlo teomp mhunn anv rautelim tuka,
Rat ani dis tukach axetam, tuzo fotu gheun anv poxetam
Don vorsam pasun tuji khobor nam, azun tuje chittik ravtam,
Azun tuje chittik ravtam.
DEVAK DIUMYA ARGAM - Rita Rose (updated 2014)
Anj boddve vazoitat orgam,
Devak amim diumea argam,
Ek zalim separad kallzam,
Nastanam kantteachim durgam.
Borem noxib amchem, nasle amche mukar,
Te dusman marekar, korunk amakam kabar,
Jivitachem voddem, sukhachea somdirar,
Ufeta dorieachea laharar.
Repeat...Anj boddve vazoitat orgam
Xekim amim zaleanv kazar,
Sodanch anv kortalim rozar,
Ekvott zalo sobemazar,
Atam Koria amcho sonvsar,
Neketram etelim, he vengen kheutelim,
Mogak axetelim, moipasan vaddtelim,
Kallzam him anstelim, mogan sontostelim,
Tum pai ani anv maim zatelim.
Repeat Anj boddve vazoitat orgam
DIR ADHAR BHORVANSO – Rita Rose
Tunch mozo dir adhar borvonso,
Tujea vinnem sonvsar dukhacho,
Tunch mozo dir adhar borvonso,
Tuje vinnem sonvsar dukhacho.
Tunch mojem khuxalponn,
Tunch mojem dadosponn,
Sonvsarant nam maka dusro khonn.
Tunch mozo dir adhar borvonso
Tujea vinnem sonvsar dukhacho
Ass moji bagonam,
Bukh maka lagonam,
Tuje vinn dusro konn maka nam.
Tunch mozo dir adhar borvonso
Tujea vinnem sonvsar dukhacho
Tunch mozo dir adhar borvonso
Tujea vinnem sonvsar dukhacho
EK DIS EKUCH PAUTT - Rita Rose
(One day at a time Jesus)
Ek dis ekuch pautt Mogall Jezu,..hmmmmmmmm
Anv ghor sonvsari, anv ek ostori
Kurpa tum di anvem jieonk tuka zai toxem
Rosto tum dakoi, vatt cholonk xinkoi
Tuji kurpa di tum maka sodanch sodankal
Ek dis ekuch pautt Mogall Jezu,
Itlench anv aiz magtam
Di maka boll korunk anvem tuka zai toxem
Kalcho dis gelo mogall Jezu
Faleam goddie mevcho na
Dekhun Dhonia aizcho dis sarunk kurpa di maka
Tum asloi tedna, amchea sonvsarant
Voir than tum poi teach sonvsarant aiz kitem ghoddta
Choreo ani krimi nirudukai vaddta
Dekun Dhonia ek dis jieonk Kurpa di maka
Ek dis ekuch pautt Mogall Jezu,
Itlench aiz anv magtam
Di maka boll korunk anvem tuka zai toxem
Kalcho dis gelo mogall Jezu
Faleam goddie mevcho na
Dekhun Dhonia aizcho dis sarunk kurpa di maka
FUDDARACHO KUNVOR - Rita Rose
Ahhhh ahhhhh ahhhhh ahhhhhh
Sodanch amger tum etaloi,
Moje kuxik yeun bostaloi,
Kannio sangtaloi, khuxeal dovortaloi,
Kazar zatam mhunn sangtaloi,
Sodanch present addun ditaloi,
Gulfak tum gheloi, chitti borounk visorloi.
Disak ek punn chitt boroitolom, mhunn geloloi sangon,
Punn kitem ghoddlem tum gulfak pavon,
Thoimchem jevonn tuka ruchonam,gelai mista bavon,
Moje vengen moga he tum danvon.
Rpt....Sodanch amger tum yetaloi....
Dusro ganv pochonam tor, Goeam eunk toyari kor,
Tukach anv ravtam, tunch mozo amor,
Tujexim yeunk zal'lem tor, antanch uddon etim zaun eok mor,
Tunch mozo kunvor, fuddaracho kunvor.
Bori sirvis soddun ghel'loi mhunn, tum sintid zaunaka,
Tum porot he pattim soronaka,
Lokache lojen tum mortoloi, oxem chintinaka
Anv asam tum konnak bienaka.
Socalim anv ut''tam matear pantli dhortam, Mhapxeam vetam bazaran,
Vepar rokdoch vinktam, chear poixe anv zoddtam, ghara etam motoran.
Ete Mhapxemche motorkar mottech uxear, maka mhunntat gagreachem manam,
Maka apoitat ansoitat bulonk sodtat,dolleank bandunk sodtat te panam,
Tankam konnakuch anv patienam, sogleank ek-ekleak vollkon zanam,
Antamchea temparui anv gagro polk nestam mhunnon kortai mojim fokannam
Chorus
Gagreachem Manam, Gagreachem Manam
Gagreachem Manam, Gagreachem Manam.
Xetan anv vetanam, bazarant ietana, gagro ani polk nestam
Passoik vetanam, soireamgher astanam modiche vistid galtam.
Anv tem tight dress nestoch ani rostean choltoch,
chedde fiunim ghalta, fium fium fium
Teo fiuneom aikotoch odik jetan choltam sanvrona voir sokol zata jiv,
Thodde mhunntat darling I love you, chol iea bonvonk Damao ani Diu,
Punn te lagim eunk bietat Police officer assa dekun mozo titiu.
Mottorkar posorkar gaddekar voddekar zanvoim zaunk soddtat amgher,
Dis rath kortat bejar, anv zaun zalear kazar zatelim xetkaragher.
Anv tem gagreachem mana voi sogle zanam, amche gharant poi kitlem sizta,
Thoddeamger duddu assat punn jevon khaunk nam, duddu asson kiteak upkarta,
Maka duddvamkar saiba naka, tanger focot te dudduch assta,
Dekun xettkareagher anv kazar zatelim, tanchea gharanu soglem dista.
Gagreachem Manam, Gagreachem Manam
Gagreachem Manam, Gagreachem Manam
GOSSIP - Rita RoseGossip, Gossip, Gossip
Why do people gossip?...
Cant they do anything better?
Just gossip!.....
My grandmother used to say, if you dont have any work today
You tear up your skirt and stitch it again,You will be happy and gay
You are not come here to stay, so why should we gossip away
You talk about her, and talk about him, and gossip gossip everyday
Gossip, gossip gossip gossip about everyone
Gossip even about the moon and sun
Ye ye ye gossip, gossip, gossip gossip about everyone
Gossip even about the moon and sun.
Tony and the boney girl, Jini and the lefty boy
They go hand in hand, we talk about them, for why I dont understand,
My grandmother used to say, you clean up your house today
To see someone else when you are in a mess, and gossip your life away
Gossip, gossip gossip gossip about everyone,
Gossip even about the moon and sun,
Ye ye ye gossip, gossip, gossip gossip about everyone
Gossip even about the moon and sun
Xemaim maka sangtali, aiz kam nam zalear mhunntali
Tuji skirt tum pinz ani porot ti xinv, oxi xikonn maka ditali
Sonvsarant konn ravonk yeunk nam, faidonam korun gozali
Acheo khobro taka, tacheo khobro haka oxem korchem nhoim mhunntali
Gozali, gozali gozali sogleancheo
Gozali, koslea faideacho
Ye Ye Ye Gozali, gozali, gozali sogleancho,
Gozali infernan vorpacheo
Ye Ye Gossip, gossip gossip gossip about everyone,
Gossip even about the moon and sun,
Ye ye ye gossip, gossip, gossip gossip about everyone
Gossip even about the moon and sun
JIVIT GOEMKARANCHEM – Rita Rose & Alfred Rose
Goa, zolmancho ganv Goa,
Goa, sobit amchem Goa, Goa.
Zaddam maddanim bhorlelem amchem Goem
Porzollit neketr Indiechem
Porke azun vodditat sobitaie sovem,
Mhunntat Goa Bangarachem,
Fulam follanim bhorlam sukachem toyem,
Xitoll varem kitlem thonddaiechem
Kaiborem udok zorichem, bangar team dongranchem,
Herans Goemkaranchem
La la la la la la la la la la, La la la la la la
Soglleank Kongotti lagta borem,
La la la la la la la la la la, La la la la la la
Xitoll nitoll Kongotttechem varem
Xit koddi nastannam zainam Goemkaranak,
Toxench ilexem kopachem,
Samarachi koddi ruchik lhanam vhoddank,
Toxench sorpatel gostachem,
Sarnam vodde nam tor zainam festakarank
Toxench amott tik amchem ruchichem,
Kalchi koddi, lonnchem borem, para anim kharem,
Jivit Goemkaranchem.
KALLIZ OSTORECHEM – Rita Rose
Ghorkar tho mogacho, kopit tho tarvacho,
Mhunno maka, mannka roddonaka,
Hi Bochoddi addlea, hea pinzrean dovorlea
Mojeo fiuninim poi xinkoileat tika,
Mozo ugddass etoch, moje ubau etoch,
Bochodd'dexim vochonk visronaka,
Ti fiunim ghalteli, khuxealui korteli,
Sodanch urber dovortoli tuka.
Bochoddi uddnam marta, sodamkal fiunim ghalta,
Teo fiunim ghalun, tuzo ugddass addta,
Kalliz mojem suskarta, tukach moga tem axeta,
Hem bochoddek sangon, sang kiteak upkarta.
Pinzrean bitor assa, ti maka polleta,
Ti uloita tem maka sozmonam,
Ulhas hea kallzache, ulhas te mogache,
Bochoddik sangon kosloch faido,
Ugddas tuzo kortam, anv dukham golloitam,
Ti bochoddi maka buzvonn dinam,
Dis rath fiunim galta tuzo ugddas addta,
Ghorkarnichea ubau ti sozmoman.
Maka tum tuje sorxim vor, tuje vinn naka dista ghor
Maka fugar korta eksurponnachem dor,
Tunvem toddun kaddleim, ambeachea zaddachem tor,
Mojea kusvean assa, tujea rogtachem por.
Gharan video vazta, tape recordei vazta,
Punn sang anv konna borim nachtelim,
Sezarcheo ghov bailo aiz zoddienuch bonvta,
Punn sang anv koxim zoddien bonvtelim,
Tarvar than tum yetoch tuje abras ghetoch,
Ti Bochoddi anv soddun ditelim,
Tea nirmoll mogacho tuka montor martelim,
Ani pinzrean bond korun dovortolim,
Koslem hem sukh kazarachem,
Koslem dukh eksurponnachem,
Punn hem chintop mojem, be-upegachem,
Tarvar tum vochonai zalear, jivit zaumchem na amchem,
Bhov thodde sozmotat, kalliz ostorechem.
KAZAR MOJEM ZALEM - Rita Rose
Kazar mojem zalem,
Vojem pasun dilem,
Atam tum zaloi mozo, anv zalim tujim,
Chintlolem sogllem zalem.............}x2
Amim mog kelolo,
Jurament dilolo,
Xekim diss to udelo,
Aiz amcho ekvott zalo...}x2
Athak marlo atu,
Kallzar xaplo fottu,
Atam tum mozo Santu, anv tujem Ritu,
Vanchlear puro pouncheak natu........}x2
Tuka anv soddchinam,
Nodre bhair dhorchinam,
Bahrain zoddunk daddchinam,
Tarvar vochonk diunchinam....}x2
KITEM KORUM - Rita Rose(updated 2014)
Poilo ailo Johnny, tannem borench nachoilem,
Magir ailo Tommy, tannem guitar xikoilem,
Bonny ailo, Ronny ailo, tannim ghunvlailem,
Sunny-in ani Benny-in mottoranim bhonvddailem
Ha ha ha ha, kitem korum,
Konnak mhunnon lagim dhorum,
Anvem bandlam, mogachem tarum,
Itleam zannank koxim tarvar anv bhorum.
Peter ailo meter gheun, to boroch anstalo,
Michael ailo cycle gheun, tho khoxen nachtalo,
Alfi aili kulfi gheun, tho kanniom sangtalo,
Maxi aili taxi gheun, soglloch murgot'talo.
Ha ha ha ha, kitem korum,
Konnak mhunnon mudi ghalum,
Anv nhoin baba, fulgoddem cheddum,
Voch mhunn sanglear aikonam kitem korum..?
KUWAIT ANV PAVLIM - Rita Rose (updated 2014)
Kuwait anv pavlim, airportar denvlim,
Novreak polloun anv khoxi zalim,
Motoran bhonvlim, thodde dis ravlim,
Horan kazar zalim.
Kazarak aslim zaitim mortoram, lok korit kantaram
Kherit netoil'lim hallachim daram, muzg vajoit guitaram,
Aiz passun anv vaddon aileam sukhan
Bomboi avoi bapaichea ghopan,
Novro mozo sirvis korta bankan,
Duddu ghalta sakan.
Tachea sakak anvem kelo burak,
Jetan neson bonvonk laglim vareak,
Zaite zann sampddaunk sodit pagerak,
Punn ghov aslo adarak.
Bazaran bhonvtoch ath ghalun athan sogott poitat nettan,
Ghovak soddun anv choltalim nettan, pattlean laglo pathan,
Bolsantle dakoilet zaite Dinar,
He mhun anso khelloilo tondar,
Ath tannem mojea dovorlo khandar,
Anvem mocho marlo sonddar,
Thoim bobau zalo, sogott ekttoulo,
Ghov khoim aslo to danvon ailo,
Maka polloun tho soglloch gaborlo,
Ragan ulounk laglo.
'Tum motvem nestai, figurxem distai, choltanam bhendd moddtai,
Tondui pintartai, konnakui anstai, magir bobo martai?"
Guneanv konnacho, guneanv vho mozo,
Guneanv anv korinam dusreacho,
Bhoinnanim soddia polko dobazo,
Resped rakia amcho.
LONDONCHO MOG - Rita Rose
Anv London-ank ghelelim
London pollunk sodanch chintalim
Tuka dektoch sogllinch thottaklim
Poilech nodren mogan ghuspolim
Londocho mog amcho
Khoroch to ojeapancho
Sopnan sopnelimnam monanui chintlenam
Novro mellot mhunn Londoncho.
Oxem zait mhunn chintlemnam,
Koxem goddlem tem sangonk zainam
Goem ekui nouro mandlonam
Noxibantlem kednanch chukonam
Londocho mog amcho
Khoroch to ojeapancho
Sopnan sopnelimnam monanui chintlenam
Novro mellot mhunn Londoncho.
Anv Londonak ravtelim,
Goeam sobit ek ghor bandtelim
Zaitech duddu ekktaim kortelim
Dogiam Goeanch ravonk etelim
Londocho mog amcho
Khoroch to ojeapancho
Sopnan sopnelinam monanui chintlenam
Nouro mellot mhunn Londoncho.
MADRIPONN - RR: Rita Rose AR:Alfred Rose
RR:Maim-paiger anv eklich choli,
Bara vorsanim zolmoleli,
Apurbaien vaddoileli,
Moipasan surngaileli
BA passun xinkleli
Dha zannam modem bonvlelim
Sonvsaracho poi tho surngar pollounk,
Madriponnak veng marleli....x2
Paichem kalliz bod'dounk laglem,
Maimchea tonddar dukh ubellem
Anvem mhunntlem dukham ghoddoinakai ghe maim,
Tench maka nirmilelem.....x2}
Maim xinn korunk lagli Dhonia,
Noxibvont mhunn tunvem kelleim,
Bara vorsanim dhonia,
Ek ful kirlailem,
Sobitaien kantoilem,
Ottra vorsamchem tem zainam fuddem
apounnem daddun apoilem...x2
Anvem mhunntlem xinnonakai,
Dukhi zaun roddonakai,
Devan dil'lem, Devan velem mhunnon ghe maim
Kallzan rigoi khuxealkai....x2}
RR:Pai mhunno AR:'Aik mogachea bai,
Madr zaunk anv tuka addainam,
Madriponn khor apounnem bai,
Sonvsari ass soddunk zainam,
Madriponn eok sakrifis bai,
Sukhachem painnem sozmonk favonam,
Tem painnem vibaddun porot euxi, maim-pai tuka jivim meuchimnam,
Madriponn soddun tum porot euxi, maim-pai tuka jivim meuchimnam.
RR:Anvem mhunntlem mag pai mag,
Jesu lagim mojea pasot mag,
Moje khoxen konventan vetam mogachea pai,
Ghorabeak ghalchimnam dag...x2}
MOZO GHORKAR - Rita Rose (updated 2014)
Maka ghorkar mevla saiba, vankddeam donkeancho,
Vankddea nakacho, vankddea tondacho,
Dis-bhor nidpacho, borench jeupacho,
Khuris mojea patkacho.
Roddtalim uttanam-bostanam,
Zoddkar mozo bhav asatam,
Kazar zalim doth nastanam Goeam bhatt bhensam astanam,
Maim pai mojim derefent melim Devager gelim anv lhanuch astanam.
To vankddea boncheacho pun vankddem uloinam,
Vankddem chintinam, vankddo cholonam,
Vankddem pollenam, vankddem sangonam,
Vankddo sozmut dhorinam.
Susegad niden bhormeta,
Goro-goro korn goreta,
Soglli rat niden sopneta,utton kendnaim ubo zata,
Pisso koso kantaram korta, nachoncheak sodta makai nachonk dista.
Voi kosloi to zanv pun to mogall soimbacho,
Mogall utramcho doyall kallzacho,
Uktea monacho, hanstea thondacho,
Pottlo assa duddvamcho.
Sodanch bonvtam motoranim,
Sinalim kortam dolleanim
Dollo dorla ankvaranim, mitti marlea kazareanim,
Anv tumkam konnak meuchim nam re ghovak soddchim nam re bhorlear bhangarnim.
Kazar, kazar za mhunn maka maim korta bejear,
Pai mhunnta bai bienaka, doth ditam ozar,
Amchea vaddea bhair mhunnta math zaunakai kazar,
Punn novro gagio Saiba sangtam sobemazar
(To Gagio kitem mhunnta zannoi)
Fa-fa-farancis nanv mojem,
Sodtam bo-bo-borem nistem tajem,
Toear jikonk ka-ka-kalliz tujem,
Taka poun rogot suklem mojem.
Gagio Saiba pollounk disso Judev tonnancho,
Pai mhunnta to bhattkar mhunnon vhodda manacho
Maim mhunnta to bhurgo mhunnon boream gunnacho,
Dusro ailo ximbro novro mojea patkacho.
(Anstoloi ou roddtoloi, tannem suru kelem)
Tim Sorginchim violam, vaztelim
Kallzam amchim khoxen walse nachtelim,
Naka mhunnlem anv ximbrim zatelim
Ekach moinean fonddan vetelim.
Tisro novro ailo Saiba vhoddlea pottacho,
Gigantt koso Gorila disso Africacho,
Taka polloun, Saiba jiv kamponk laglo mozo,
Chouto novro pounk disso pai sotra zannancho.
(To Saiba lolo, tannem mhunnlem)
Tuje yagim anv kazal zatoyom,
Yani koxi tuka bhonvyeatoyom,
Honey moonank chonyiman vortoyom,
Ponchvis bhulgeancho pai zatoyom
NOVRO MAKA ZAI - Rita Rose
Aha novro maka zai,
Goro goro disonk zai
Befeit (Decent), rupan gulgulit, tondan babrea vontacho asonk zai.
Ragan kitench taka mhunnchimnam
Dusrea cheddvank pollounk dinvchimnam
Khorea mogan moipassan anv khelloitelim, vengen ghott dhortelim soddchimnam
Tho vantolo mosalo,
Anv kortelim budkulo
Voros zata mhunnosor saiba amger babulo zatolo
Magir anv bestinch anv loztelim
Sogllo vell babak gheun bostelim
Mojea novreak anv sirvissek daddchimnam, moje payem damunk laitelim.
Aha novro maka zai,
Goro goro disonk zai
Befeit (Decent), rupan gulgulit, tondan babrea vontacho asonk zai
PITTACHO GULLO – Rita Rose (updated 2014)
Satam bhavam pattlean eklem,
Angounneanim magon ghetlem,
Sukhan vaddoilem, mogan khelloilem,
Ful mhunnon bhagintlem.
Pai kopit choloita tarvam,
Ghou negos korta gheun ghorvam,
Amchea parveamchem zoddem poun,
Bhattkaraleam baieamchim chavoutat nervam.
Mozo ghov pittacho gullo,
Sarkoch Eropeanlo cholo,
Golean anv tachea khoddki ghatltam,
Tak zait mhum tumcho dollo.
Kaiborem nanv tachem Bonny,
Vhoi anv ghorkarn tachie Annie,
Angan distam barik, punn ragak soddsoddit,
Samballat ankvar cheddvanim.
Ankvar cheddvam anvdde gon'ttat,
Taka poun uzoti kortat,
Ankvar nhoi bai to, gorkar mozo to,
Kiteak tokleo foddtat.
Kiteak bestteoch kortat jiti,
Kazareancher martat mitti,
Tumkam adinch sangtam, un udok ghalun,
Kombie bhaxen kortelim sutti.
PUT ANIM SASUPAI – Rita Rose (updated 2014)
Rostean choltanam jhetan, eok mataro poita nettan
Mateak xendrechem chepem, anim roth gheun bhonvta athan.
Avoi, avoi anv choltoch fuddlean, to eta mojea pattlean
Kantar korun vhoddlean,
Poromm pomm pomm, borem assai tum goromm goromm,
Poromm poromm pomm poromm poromm,
Poromm poromm pomm pomm, Poromm pomm pomm.
Eok dollo taka moddlo, anim kuch korn anso soddlo,
To danvon fuddlean ailo, anim dimbi ghalun ravlo.
Lozlim, anv besttinch Saiba lozlim,
Kallzan math khoxen anslim, him utram kanan vazlim,
Poromm pomm pomm, tuzo ath kitlo noromm noromm,
Poromm poromm pomm poromm poromm,
Poromm poromm pomm pomm, Poromm pomm pomm.
Mataro uxear kombo, sarkoch mankurad ambo,
Novreak mojea gomot tor, kortolo tacho khimbo,
Uxear, uxear mataro uxear, mhunntai zatai tor kazar
Ditam tuka ozar, Uxear uxear,
Mataro ekdom uxear uxear,
Mhunntai zatai tor kazar kazar, ditam tuka ozar, ditam ozar.
Kednanch anvem chintlenam, to zait mhunnon sassupai,
Kal novrean maka sanglam, to mhunnon apnnancho pai.
Avoi, sasupai mog mozo korta, tacho put mog mozo korta,
Kitem korum kotta.
Kazar zatam, kazar zatam anv puta lagim,
Ozar assat sasupai lagim, poromm poromm pomm pomm,
Poromm pomm pomm. Poromm pom pom, Poromm pom pom...............
SODD SODD - Rita Rose (updated 2014)
Sodd, sodd, sodd maka sodd,
Sodd, sodd, sodd sodd maka sodd,
Anv tuka antam patienam,
Anv tujer bhavart dhorinam,
Mojea kannak atam vaimgim bandtai,
Mojeam dolleank panam bandunk sodtai
Aka taka ghetai, sogllo sonvsar bhonvtai
Magir mojexim etai,
Oh-oh sodd, sodd sodd maka sodd
Tuje oslo nouro maka naka,
Bultai vatter meuta polle taka
Sangtam tuka lagim eunaka
Tuje oslem zanvar maka, naka,
Naka maka, maka naka, naka naka
Oh oh sodd, sodd, sodd maka sodd
Sonvsar sozmotai mhunnon cheddeancho,
Cheddvank kortai khell tuje axecho,
Dusro korit khell tuje bhoinnimcho
Kitem magir zatolo bheos tuzo,
Bheos tuzo, bheos tuzo, bheos tuzo
Oh oh sodd sodd sodd maka sodd....
TIN KALLZAM – Rita Rose (updated 2014)
Hospitalan norsichi sirvis kortalim,
Dotorachea, mogan anv buchkoutalim,
Ektaim kam kortalim, takach axetalim,
Potinn tachi zauncheak, anv sodanch chintalim.
Dotorui tho, mozo mog kortalo,
Uxear titlo, gunnanim bhorlolo,
Kazar zauncheak, ami nicheu kelolo,
Papan mojea, uzo pettoilo..........repeat dotorui tho
Papan maka, kazar kelelem forsan,
Don moineani, kouli kazarachi koddsann,
Ghov soro pieta, jiv mozo khosmeta,
Azunui chakonk nam, kazarachi ghoddsann.
Tukach moga, anv azun axetam,
Fottu tuzo, vengen gheun poxetam,
Ratche rati, tujinch sopnam sopnetam,
Gopan tuka, ghott dhorunk anvdettam......repeat Tukach moga
Kitem korum, kitem korum, sozmonam,
Ghovacho mog, mojea kallzant rigonam,
Bhurgeaponnailo mog, kallzantlo vochonam,
Dotor ankvar ravla, kazar zainastanam.
Papa tujim, chintnam xarti kelim,
Tukai sukh nam, tin kallzam dukoilim,
Tornim follam, voir zaddaruch sukhoilim
Fuddarachim, neketram palloilim......repeat Papa tujim
TUZO SAMBALL KORTELIM - Rita Rose (updated 2014)
Kurdo passun tum zaloi zalear, tuji xeva kortelim,
Davui mojeo nakxeo zoroun, moga tuka postelim,
Sonvsarachem sukh maka naka, rat dis tujech kuxik bostelim,
Hea kalluki sonvsarant, tuzo anv adhar zatelim.
Hai, hai, Dhonia hai hai,
Dhoniam kiteak hem dukh daddlem gai
Naka Dhoniam oslem dukh duinakai,
Porot uzvadd disonk di upai.
Mozo jiv tunvem salvar keloi, tuje dolle tum luskonn zaloi,
Gaddie pondak anv poddtelim aslim, maka tunvem tuzo adar diloi
Maim tuji aiz dukanim roddta, Dhonia eklech putak kurddo keloi',
Tichem dukh mojean pollunk nezo, tujem kalliz mojea kallzak melloi
Ekloch tum put, morgad avoi bapaicho,
Kurdo zaun kitem fuddar zait tuzo,
Anv zatam uzvadd tujeam donui dolleamcho,
Kazar zaun samball anv kortelim tuzo.
YE JOHNNY YE – Rita Rose
Mogan poddon anv zalim kazar,
Ghorkar mozo kopit assa tarvar,
Apurbaen bej diun hea pollear,
Gelo mhunn suskarun zatam bejar
Yea Johnny ye ani gopan maka ghe,
Ye Johnny ye ani gopan maka ghe
Kopit tum assai tarvacher, nodor ghaltai somdiracher
Ye Johny ye, begin nodor ghal mojer
Kazarachem amrut chaklem nam,
Kazar kitem tenvuim gomlemnam,
Begin vexi mhunonn chintlem nam,
Roddtam anv ut'tana bostanam,
Ye Johny ye ani gopant maka ghe,
Ye Johny ye ani gopant maka ghe,
Kopit tum vhoddlea tarvacho,
Kopit tum mojea kallzacho,
Ye Johny ye, uzo paloi mogacho,
Fugar zatam anv mogan tujea,
Gopant dhorunk axetam anjea,
Hea kallzahco tum zaloi rajea,
Begin ye, begin ye,gheun rojea,
Ye johny ye, ani gopan maka ghe,
Ye Johny ye, ani gopan maka ghe
Bail tuji sakremtachi,
Rani anv tuje kallzachi
Ye Johny ye, vatt polloun assa tuji
Updated 9/8/2014
