Alfred Rose-ak
Xrodanjali - Fausto V Da Costa
13th Nov 2003
GRAF (Goan Review Art Foundation) ani KBM (Konkani Bhasha Mandal, Mumbai) hannim ekvottan Novembrache 16ver, 2003, Mahim-che Victoria igorjechea vosreant, sanjechea 5 horar, sorgest Alfred Rose-achea manak Dukh Porgottpi Sobha (Condolence Meeting) ghoddun haddli.
GRAF (Goan Review Art Foundation) ani KBM (Konkani Bhasha Mandal, Mumbai) hannim ekvottan Novembrache 16ver, 2003, Mahim-che Victoria igorjechea vosreant, sanjechea 5 horar, sorgest Alfred Rose-achea manak Dukh Porgottpi Sobha (Condolence Meeting) ghoddun haddli.
KBM-ache
torfen, odheokx Bab Shanbag, Chittnis Bab J B Moraes ani Bab D' Souza zalear
GRAF-ache torfen odheokx Bab Fausto V. da Costa, Pri. Casmiro D 'Mello ani Bab
Joe Rose , sorgest Alfred Rose-achi potin Bai
Rita Rose-a sangatak vedir hajir asle.
Somestank he
sobhek ievkar diun, Bab Fausto-n Alfred Rose-achi xant'tai ani
vankddem tem tonddar sangpachea tachea gunnacho ulekh kelo. Moraes bab
hannem Alfred Rose-achea vivid gunnacher nodor bhonvddaili,
ani Alfred Rose "Ami Soglle Ek" hea tachea gita porim
sogott Konknneank ek zalo, ani ek korunk vaurlo mhonn sanglem.
Alfred Rose-an
Mongllurchea kolakaram vangdda kel'lea vavrachi Bab D'Souza-n tust keli, zalear
Pri. Casmiro D'Mello hannem Alfred Rose-an apleam gitam vorvim ani
kesettim vorvim fuddle pillgek dovorlele girestkaie vixim ulekh kelo.
Bab
Joe Rose hannim aplea ulovpant Alfred Rose-achea sabar
gunnacho ulekh korun mhollem ki Alfred Rose nhoich
vortoulo mhonn ek borovpi, digdorspi, gitkar, songitkar, partist ani gavpi,
bogor to vortoulo mhonn ek vinodhi kolakarui.
Tannem xinn
porgottlo ki Goenchea serkaran to Goeam bhair vosti korun aslo hem nib diun
tancho son'man korunk na mhonn, hea Goenchea serkarachea pavlak aplo ani sogott
kolakarancho ani Mumboint ravteleam Goenkarancho ek khor nixedh asa mhonn.
Tannem fuddem mhollem ki tech borobor apnnak khoxi bhogta mhonn atam melea
uprant tori Goencho serkar Alfred Rose-ak ek vixex puroskar divpak
raji zala mhonn. Bab Gable D'Souza hannem sorgest Alfred Rose-ak
xrodanjali bhettovn ek kherit git gailem.
Bai Rita Rose-an somestanche upkar atthoile
ani Alfred Rose-achea manak ek minutachem ogeponn rakhun hi sobha
sompoili.Courtesy: Gaspar Almeida - Goa-World
