KING OF MELODY ------ Sung by Peter V. Fernandes,
Lyrics: Peter V. Fernandes, Music: Joaquim D’Souza
Oitumbrache ekvisxer, don ozar tin vorsa, Goemcho, Aldonchea ganvancho,
Bhangarachea talleacho, ALFRED ROSE, sonvsarak adeus korun gelo.
Tachi khobor aikonn, konknni sonvsar totakllo. Alfred Rose, zaun aslo ek kerit,
pallkachem mannik, jem Devam amchea konknni pallkak dillelem,
Punn zoxem Devan dilem toxen Devan tem vhelem.
Hem kantar hanv bhettoitam khoddegantt kantorist “ALFRED ROSE’ achea Ugdassak.
Don ozar tin vorsa Oitumbran moronn ailem,
Eka tiatristak vhoronk ubem ravlem,
Moronn konnankuch chukonam mornnank kollit kelem,
Uprant MELODY KING ALFRED ROSE’ak tem gheuvunn gelem.
Tachi dukhest khobor aikonn kallzak toplo bhalo,
Goemkaranchea pallkacho khambo kosov'lo,
Konknni palk tachea mornant eksuro zalo,
Mhunntta amchem noxib Devan dilo Devan vhelo.
Kantaram korun tiatrancho moipas vhaddlo,
Konknni bhass girest korun tannem mann zoddlo,
Pormoll konknni bhassecho soglleak ximpoddlo,
Aiz Sonvsaran Konknni bhassecho voir bavtto kaddlo.
Raza tho kantarancho bori zannvai ditalo,
Adar diunk novea bhurgeank fuddem ietalo,
Resped jikonn ghetalo, resped ditalo,
Edovoddd tiatrist zaun kaltekaien choltalo.
Tache familik dukh bogonnk ghottai magtam,
Tachea otmeak sorgimchem sukh mevonk magtam,
Goa State puroskar mev’llo khuxi zatam,
ALFRED ROSE’achem nanv jivem uttollem ass dortam.
Kantoristamcho Patxea sompllo sogot mhunntolo,
Oxem mhunnon ghoddiek suskar soddtolo,
Karrann amchea kallzannim tho sodanch astolo,
Goemkaram modem tacho ugdass sasnank urttolo,
“ALFRED ROSE” amche modem sodanch jivo astolo
Lyrics compilation Courtesy Alberto Cardoso
