Sorgest Alfred Rose haka
Xrod’dhanjoli - Ives Tavares / V-Ixtt
Bhangarachea
talleacho Konknni kantaram gavpi Alfred Rose, Otubrache 21ver,
Mumbointlea Mahim vattarant somplo.
Alfred Rose gitam ghoddpi, gavpi, tiatr boroupi, digdorspi, kolakar toso porgottnnar ani songitkar aslo. Goem, Mongllur, Golf ani sonvsarchea chearui konnxeamni boroch gazlo. Lokache avddicho aslo.
Alfred Rose, 1932 vorsa Agostache 5 tarker, Aldonachea Nivim vaddeant zolmolo. Tachem purai nanv Rosario AlfredFernandes. Tachea bapaichem nanv Ambrose Fernandes ani avoichem Dolorosa Fernandes. Lhanuch astana Alfred RoseMumboi xarant pavlo ani thoinchea Dabul Sonapur igorjechea songit pongddant to mhotvacho aslo. Tannem SSCE meren aplem xikop kelem. Aplea xallechea disamni Alfred Rose khubxea kariavollimni umedhin bhag ghetalo, gitam gaitalo ani lokam koddlean taka xabaski ani inamam favo zatalim. Aplem xikop zatoch to benkint nokrek laglo. Zababdaren ani mogan to apli nokri kortalo. Rita Rose tachi potinn. Tanchea ekvottak dog put - Schubert ani Englebert- ani ek dhuv - Alaria Dally. Aplea bapai Alfred Rose hache vixim dhuv Alaria sangta “amchea bapai sarko amkam anik bapui mellpacho na. Ghorant to sodanch amche thaim Konknni uloitalo.”
Alfred Rose-achim kitlimxinch kantaram HMV, Coloumbia ani Young India hannim gramafonar rikordd korun dovorlelim asat ani az tim amkam Ponnje, Mumboi, Mongllur, Goem FM oxea akaxvannicher aikunk mellttat. Alfred Rose hachea svadik talleak lagun HMV komponin taka Bhangarachea Talleacho mhunn pacharlo.
Alfred Rosean, Joe Mendes hachea tiatrantlean poilech pavtt Konknni machier pavl dovorlem. Tachi machieveli umedh pollevn 1945 vorsa, somplolo nanvosto tiatrist Souzalin hannem taka aplea “Poilea Cheddeacho Bavtizm” hea tiatrant bhurgeachi bhumika korunk soeg dilo.
Alfred Rose lhan piraieruch thavn songit xiklo. Mhunnonuch, rebek, guitar vazounk taka kainch nhoi aslem. 1950 vorsa RoseBuds Swing Band hea nanvacho tannem aplo songit pongodd ghoddlo. Hea songit pongddantlean tannem apleak borench nanv zoddlem. 1956 vorsa tannem aplo poilo tiatr Hench Tem Karann Mumboichea xarant machier haddun lokam koddlean xabaski zoddli. Director Saib ho tacho poilo khell-tiatr. Hache uprant, Monis vo Denvchar ani Pesanvkar oxe he anik don khell-tiatr tannem machier haddle. Rita Rose tachi potinn taka sodanch sangat ditali.
Alfred Rose aplea kuttumba sangata musical show korunk Goeam ailo. Tea xivai Maharaxttr, Mongllurant pavlo. Jerman, Frans, Inglandd, Afrika toxench golfachea desamni gelo. Jivo asumsor tannem 6 musical show dakhoileat. London xarant Konknni musical show dakhoupi to poilo Goenkar.
Alfred Rose hannem aple potinni sangata cholchitramni-i bhumika keloli asa, gitam gailolim asat. Amchem Noxib, Sukhachem Sopon, Boglantt ani Love in Goa him cholchitram tachi govai ditat. Jivo astana Alfred Rose hannem Konknni kantarancheo sumar 40 kesetteo uzvadda haddlelo ani teo hot cakes koxeo khopleoi. Uzvadda haddttolo zalear tache thaim anik don kesetteo toiar zaloleo asleo, ponn tea adinch to hea sonvsarantlo utthun gelo.Tachea nanva khal Kantarancho Jhelo (1 tem 10) uzvadda ailolo asa. Tea bhair 3 romaxeo, ek tiatr ani ek vinodhi chitramni surungailolem pustok uzvadda ailolem asa.Alfred Rose-an sumar apleo 400 gitancheo rikorddi kaddleat oxem mhonnttat, tea bhair 5 hozar odik gitam rochun gaileant. Tantuntlim dedd hozar inglezintlim gitam asat.
1970 vorsa Ceylon reddiocher don inglez kantaram Date with Daisy ani Seagull -gavpi to poilo Goenkar aslo. Toxench, Kuveitt, Qatar, Beirut durdorxonnacher Rita Rose-a vangdda dispi poilo Goenkar. Oso anikui khub toramni tannem poileponnacho man zoddlolo asa.
He toren Alfred Rose-an aplea kantarantlean Konknnik sonvsarbhor bhonvddaili. Ponn tannem Konknni songitachea mollar kelolea vavrak taka fokot loka koddchean xabaski mell’lli. Tachi-tust tokhnnai mhunnon sorkaran taka jivo astana ekui inam’ diunk na. Noxib Alfred Rose-achem !
Courtesy: Gaspar Almeida - Goa World
Alfred Rose gitam ghoddpi, gavpi, tiatr boroupi, digdorspi, kolakar toso porgottnnar ani songitkar aslo. Goem, Mongllur, Golf ani sonvsarchea chearui konnxeamni boroch gazlo. Lokache avddicho aslo.
Alfred Rose, 1932 vorsa Agostache 5 tarker, Aldonachea Nivim vaddeant zolmolo. Tachem purai nanv Rosario AlfredFernandes. Tachea bapaichem nanv Ambrose Fernandes ani avoichem Dolorosa Fernandes. Lhanuch astana Alfred RoseMumboi xarant pavlo ani thoinchea Dabul Sonapur igorjechea songit pongddant to mhotvacho aslo. Tannem SSCE meren aplem xikop kelem. Aplea xallechea disamni Alfred Rose khubxea kariavollimni umedhin bhag ghetalo, gitam gaitalo ani lokam koddlean taka xabaski ani inamam favo zatalim. Aplem xikop zatoch to benkint nokrek laglo. Zababdaren ani mogan to apli nokri kortalo. Rita Rose tachi potinn. Tanchea ekvottak dog put - Schubert ani Englebert- ani ek dhuv - Alaria Dally. Aplea bapai Alfred Rose hache vixim dhuv Alaria sangta “amchea bapai sarko amkam anik bapui mellpacho na. Ghorant to sodanch amche thaim Konknni uloitalo.”
Alfred Rose-achim kitlimxinch kantaram HMV, Coloumbia ani Young India hannim gramafonar rikordd korun dovorlelim asat ani az tim amkam Ponnje, Mumboi, Mongllur, Goem FM oxea akaxvannicher aikunk mellttat. Alfred Rose hachea svadik talleak lagun HMV komponin taka Bhangarachea Talleacho mhunn pacharlo.
Alfred Rosean, Joe Mendes hachea tiatrantlean poilech pavtt Konknni machier pavl dovorlem. Tachi machieveli umedh pollevn 1945 vorsa, somplolo nanvosto tiatrist Souzalin hannem taka aplea “Poilea Cheddeacho Bavtizm” hea tiatrant bhurgeachi bhumika korunk soeg dilo.
Alfred Rose lhan piraieruch thavn songit xiklo. Mhunnonuch, rebek, guitar vazounk taka kainch nhoi aslem. 1950 vorsa RoseBuds Swing Band hea nanvacho tannem aplo songit pongodd ghoddlo. Hea songit pongddantlean tannem apleak borench nanv zoddlem. 1956 vorsa tannem aplo poilo tiatr Hench Tem Karann Mumboichea xarant machier haddun lokam koddlean xabaski zoddli. Director Saib ho tacho poilo khell-tiatr. Hache uprant, Monis vo Denvchar ani Pesanvkar oxe he anik don khell-tiatr tannem machier haddle. Rita Rose tachi potinn taka sodanch sangat ditali.
Alfred Rose aplea kuttumba sangata musical show korunk Goeam ailo. Tea xivai Maharaxttr, Mongllurant pavlo. Jerman, Frans, Inglandd, Afrika toxench golfachea desamni gelo. Jivo asumsor tannem 6 musical show dakhoileat. London xarant Konknni musical show dakhoupi to poilo Goenkar.
Alfred Rose hannem aple potinni sangata cholchitramni-i bhumika keloli asa, gitam gailolim asat. Amchem Noxib, Sukhachem Sopon, Boglantt ani Love in Goa him cholchitram tachi govai ditat. Jivo astana Alfred Rose hannem Konknni kantarancheo sumar 40 kesetteo uzvadda haddlelo ani teo hot cakes koxeo khopleoi. Uzvadda haddttolo zalear tache thaim anik don kesetteo toiar zaloleo asleo, ponn tea adinch to hea sonvsarantlo utthun gelo.Tachea nanva khal Kantarancho Jhelo (1 tem 10) uzvadda ailolo asa. Tea bhair 3 romaxeo, ek tiatr ani ek vinodhi chitramni surungailolem pustok uzvadda ailolem asa.Alfred Rose-an sumar apleo 400 gitancheo rikorddi kaddleat oxem mhonnttat, tea bhair 5 hozar odik gitam rochun gaileant. Tantuntlim dedd hozar inglezintlim gitam asat.
1970 vorsa Ceylon reddiocher don inglez kantaram Date with Daisy ani Seagull -gavpi to poilo Goenkar aslo. Toxench, Kuveitt, Qatar, Beirut durdorxonnacher Rita Rose-a vangdda dispi poilo Goenkar. Oso anikui khub toramni tannem poileponnacho man zoddlolo asa.
He toren Alfred Rose-an aplea kantarantlean Konknnik sonvsarbhor bhonvddaili. Ponn tannem Konknni songitachea mollar kelolea vavrak taka fokot loka koddchean xabaski mell’lli. Tachi-tust tokhnnai mhunnon sorkaran taka jivo astana ekui inam’ diunk na. Noxib Alfred Rose-achem !
Courtesy: Gaspar Almeida - Goa World
